كتير من العملاء بيفتكروا إن وظيفة المصور بتنتهي أول ما السيشن يخلص ويلم معداته. لكن الحقيقة إن الحقيقي بيبدأ فعلاً بعد ما بنروح الاستوديو.
تعالوا ناخدكم في رحلة سريعة لنعرف إيه اللي بيحصل لصوركم قبل ما تستلموها:
١. مرحلة الفرز (Culling)
في السيشن الواحد بنصور مئات اللقطات. أول خطوة هي اختيار "الكريمة"؛ الصور اللي فيها أحلى تعبير، أحلى إضاءة، وأصدق مشاعر. إحنا مش بنديك صور وخلاص، إحنا بنختار لك الصور اللي هتعيش معاك عمرك كله.
٢. تصحيح الألوان (Color Correction)
الكاميرا بتصور بصيغة اسمها (RAW)، وهي صيغة خام ألوانها بتبقى باهتة عشان تدينا حرية كاملة في التعديل. بنبدأ نظبط درجات "الأبيض"، الإضاءة، والظلال عشان نضمن إن كل تفصيلة في لبسك واللوكيشن واضحة وبأعلى جودة.
٣. التون الخاصة (Color Grading)
دي المرحلة اللي بنحط فيها "الروح" للصورة. هل السيشن كلاسيك؟ بنميل للألوان الدافئة. هل هو "كاجوال" وعصري؟ بنخلي الألوان حية ومنعشة. كل صورة بنشتغل عليها كأنها لوحة فنية منفصلة ليها "مود" خاص بيها.
٤. الريتاتش الاحترافي (High-End Retouching)
فرق كبير بين "الإيديت" اللي بيغير الملامح ويخلي الوش بلاستيك، وبين الريتاتش اللي بنعمله. إحنا بنشيل العيوب المؤقتة (زي حبة طلعت فجأة أو تجعيدة في اللبس) لكن بنحافظ على مسام البشرة وجمال ملامحك الطبيعية. هدفنا إنك تطلع "أحلى نسخة من نفسك" مش حد تاني.
٥. اللمسات النهائية والتسليم
بعد ساعات من الشغل على الشاشات الاحترافية (لي ضمان دقة الألوان)، بتخرج الصورة بالدقة الكاملة (High Resolution) جاهزة للطباعة بحجم كبير أو للنشر على السوشيال ميديا بوضوح يبهر الكل.
رسالة : إحنا بنقدر ثقتكم فينا، وعشان كدة مش بنبخل بأي دقيقة شغل قدام الشاشة عشان نطلع نتيجة تليق ببراند وتليق بيكم كعملاء مميزين.